HUTBAH IDUL ADHA KOMPLIT

الله اكبر 9    لااله الا الله والله اكبر الله اكبر ولله الحمد

الحمد لله الذي هدانا على طريقه  المستقيم    وجعل عيدا ضيافة  للانام   وامررنا باالتضحية والتزكية والحج والعمرة التي تكون سببا للنظر على وجهه الكريم واشهد ان لااله الاالله وحده لا شريك له شهادة توصلنا الى جنة النعيم واشهد ان سيدنا محمدا عبده ورسوله لعلى خلق عظيم والصلاة والسلام على سيدنا محمد وعلى اله وصحبه الكرام 

اما بعد

ايهاالحاضرون اتقواالله حق تقاته مااستطعتم حيثما كنتم . اعوذ بالله من الشيطان الرجيم  بسم الله الرحمن الرحيم

قال يابني اني ارى في المنام أني اذبحك فانظر ماذا ترى قال ياابت افعل ماتؤمر ستجدوني انشاء الله من الصابرين

بسم الله الرحمن الرحيم

لن ينال الله لحومها ولادماءها ولكن يناله التقوى منكم كذالك سخرها لكم لتكبر الله على ما هداكم وبشر المحسنين

بسم الله الرحمن الرحيم

ولله على الناس حج البيت  من استطاع اليه سبيلا

Allahu Akbar . Allahu Akbar. Allahu Akbar  Walillahil hamdu

Kalayan pitulung anu agung, kalayan inayah Allah anu Maha kawasa, Alhamdulillah Yuswa urang dugi deui kana ieu dinten. Dinten Idil Adha tahun ………………. Hijriyah

Sakumna kaum muslimin anu leres – leres imana ka gusti nu Maha suci, ka Allah Rabbul ijjati emutan nana dina ieu sasih dzul hijjah terpusat kana amaliyah anu biasa dilaksanakeun dina eta  sasih, sapertos sahum ti kaping hiji tug dugika kaping salapan, terutami dina Yaumut Tarwiyyah sareng dina Yaumu Arofah. Anu pahalana kalintang ageungna , Takbir ti kawit subuh Yaumu Arofah dugika ashar akhir dinten tasyriq, shlat Idul Adha anu kautamian nana langkung tinimang sholat idul fithri .margi parantos terantum dina alquran sakumaha dawuhan Allah SWT :

فصل لربك وانحر

Maka kudu sholat lebaran idul adha anjeun karena Allah,  sareng kedah mencit qurban anjeun.

Hadirin….

Idul Adha disebat idul akbar. Hukum sholat id , baik sholat idul fithri maupun sholat idul Adha , imam syafei berdasarkeun riwayat imam bukhori muslim nganyatakeun  bahwa selain sholat anu lima waktu hukumna sunnat, namun sunatna sunnat muakad nyaeta sunat anu kedah dilaksanakeun ku sakumna kaum muslimin.

وقيل انها فرض كفاية لانها من شعائرالاسلام  فتركها تهاون في الدين

Menurut sapalih ulama hukumna fardu kifayah margi eta solat I’d teh satengah tina syiar agama maka upami hante midamel eta solat berarti eta jalma ngalalaworakeun kana agama islam.

 Nyakitu deui jalmi nu beriman kiwari emutan nana terpusat kana qurban sinareng ibadah haji

Allahu Akbar . Allahu Akbar. Allahu Akbar  Walillahil hamdu

Jalmi anu rajin ngumandangkeun takbir tahmid sinareung tahlil dina weungian I’d bakal mibanda akhlak anu mulya ngarti kana dirina, sadar kana kaayaan nana rehna manusa mah henteu daya hente upaya mung Allah anu kagungan sifat

العزيز  الجبار  المتكبر  الخالق  البارئ  المصور الغفار القهار

bakal resep madep ka zat anu maha kawasa betah ibadah ka allah swt anu maha bijaksana anu welas asih ka abdina kalayan ikhlas lillahita’ala

Kalayan takbir jalmi bakal kengeng pitulung ti anu agung pangraksa ti anu maha kawasa moal kagembang ku syetan moal kagoda ku anu durhaka moal kabawa sakaba kaba margi tos ma’rifat kapangeran nana istiqomah dina kahirupan nana

Allahu Akbar . Allahu Akbar. Allahu Akbar  Walillahil hamdu

Disamping seueur jalmi anu tertimpa musibah, disaat jalmi bingung akan perekonomian anu semakin tidak menentu, kiwari oge seueur jalmi anu nuju kagunturan madu kacaahan gula tiasa jadi tamu na Allah jiarah ka tanah suciو ibadah haji ditanah mekkah almukaramah, solat arba’in di madinah almunawarah,solat berjamaah dimasjidil haram anu nilai na langkung ageng tinimang solat dimasjid anu sanes na.

Dina hadist anu diriwayatkeun ku ibnu juber radiallah anhu,  kanjeung rasulullah saw ngadawuh:

Saurna sakali solat dimasjid kaula langkung afdol tinimang solat sarebu kali dimasjid anu sanes na kecuali dimasjidil haram, sabab sakali solat dimasjidil haram langkung afdol tinimang sarebu kali sholat dimasjid kaula.

Satiap ibadah ditanah suci, tegesna ditanah haram dibales kalawan saratus rebu kasaean , sawangsulna upami midamel kaawonan ditanah suci atanapi ditanah haram balesan nana oge bakal dilipat gandakeun.

Hadirin

Ibadah haji mangrupakeun penyempurnaan tina opat pilar agama anu diwajibkeun Allah ka urang sadayana,  ieu sadayana tiasa ditingali tina  ibadah-ibadah anu mangrupakeun  rukun Islam, diantawisna  syahadat, syahadat  mangrupakeun  ibadah hate karena syahadat  mangrupakeun  kayakinan  dasar anu saterasna  dilafazkeun kalayan lisan  , sementara sholat nyaeta gerakan jasad, sholat mangrupakeun  ibadah badani, sasanes ti eta  puasa, puasa mangrupakeun sikap ngeker  diri, nyakitu deui zakat,  zakat mangrupakeun  ibadah hartawi, maka sempurnalah ketika umat islam bisa menunaikan pilar anu ka lima dalam islam tegesna ngalaksanakeun ibadah haji, sabab ibadah haji mangrupakeun penggabungan dari  semua sisi tina opat  ibadah anu tadi disebatkeun. Dari sinilah, maka haji termasuk ibadah anu terakhir diwajibkeun ka kaum Muslimin nyaeta dina tahun ka 9 Hijriyah. Hal ieu karena ibadah  haji memerlukan segala perkara anu diperlukeun ku opat  rukun sateuacanna. Ibadah haji merlukeun  landasan iman anu  tertanam dina  syahadat, ibadah haji merlukeun  tenaga jasmani jeung harta anu aya dina shalat jeung  zakat, nyakitu deui ibadah haji oge merlukeun sikap ngeker  diri saperti halna  terkandung dina puasa .

فَمَنْ فَرَضَ فِيهِنَّ الْحَجَّ فَلاَ رَفَثَ وَلاَ فُسُوقَ وَلاَ جِدَالَ فِي الْحَجِّ

“maka sing saha jalma anu netepkeun niatna  dina bulan eta  arek ngalaksanakeun haji, maka teu menang jima , fasik sarta ngalanggar aturan  salami ngalaksanakeun  haji.” (Al-Baqarah: 197).

Allahu Akbar . Allahu Akbar. Allahu Akbar  Walillahil hamdu

Betapa pengorbanan sareng perjuangan jalmi anu ngalaksanakeun ibadah haji, sehingga Rosulullah SAW, nempatkeun pahala jalmi anu ngalaksanakeun ibadah haji kalayan didasari karena Alah SWT sami sareng jalmi anu ngalaksankeun jihad fi sabilillah

أَنَّ رَسُوْلَ الله صلى الله عليه وسلم سُئِلَ: أَيُّ الْعَمَلِ أَفْضَلُ؟ فَقَالَ: إِيْمَانٌ بلله وَرَسُوْلِهِ. قِيْلَ: ثُمَّ مَاذَا؟ قَالَ: الْجِهَادُ فِي سَبِيْلِ الله. قِيْلَ: ثُمَّ مَاذَا؟ قَالَ: حَجٌّ مَبْرُوْرٌ.

“saenya enyana  Rasulullah shallallahu ‘alaihi wasallam ditanya tentang amal, amal naon  paling utama? Rosul ngawaler, “Iman ka Allah jeung  Rasul na,  mantenna ditaros deui, “teras naon ?” rosul ngawaler  “Jihad di jalan Allah.” Rosul oge di taros , “teras naon ?” rosul ngawaler , “Haji mabrur.” (HR. al-Bukhari, Mukhtashar Shahih al-Bukhari, no. 25).

Hadirin

 haji mabrur teu aya balesan kecuali syurga sebab kangge meraih haji mabrur diperlukeun jihad kangge  ngalawan  kacintaan kana  harta supaya  jiwa rela jeung  lapang ngorbankeun nana Dibutuhkeun jihad kangge ngalawan  kacintaan kana  sikap santai jeung  rehat, sabab haji memang ibadah anu cape , baik cape  perjalanan maupun cape dina ngalaksanakeun nana

saking ageung pahalana Numawi pantes allah swt nyebat dina alqur’an lapad jihad kirang langkung 52x, anu dimaksad jihad nyaeta midamel sagala rupi kalayan sungguh sungguh menghabiskan semua potensi ngeurahkeun sagala kakuatan anu kalintang meryogikeun  kana pengorbanan,

Kanjeung nabi Ibrahim sareng siti hajar wantun ngorbankeun putrana dina waktos kaayaan eta murangkalih lucu nembe tiasa mapah, anu dina waktos harita putrana nembe hiji bari kalintang dipikahoyong na,langkung ironis deui nabi ismail anu masih keneh alit dipasihan irhas ku Allah kersa ngorbankeun dirina demi ngalaksanakeun tugas ti gusti nu maha suci.

Dina riwayat dicarioskeun, waktos nabi Ibrahim nyarioskeun impenan nana ti Allah ka anu janten putrana, yen mantenna kedah mencit buah hatina  , tegesna mencit Nabi ismail , eta murang kalih anu masih keneh alit nyarios saurna hey mama mangga gera pidameul ku mama, insya Allah mama bakal mendakan kaabdi, sarta bakal kauninga ku mama rehna abdi teh termasuk jalmi anu sabar,

Namun sateacan na,  kanjeung nabi ismail wasiat kanu janten  rama na, anu unggelna:

1.      Talian panangan abdi ku mama kalayan tambang anu kuat, bilih abdi gugurubugan kena ka mama, engkin  mama tangtos nyeri

2.      Kedengkeun pamenteu abdi kana taneuh supaya mama ulah ningali kana pameunteu abdi, margi upami mama ninggali pamenteu abdi, mama engke nyaah kaabdi anu akhirna hanteu janten mencit abdi.

3.      Tahan acuk abdi ulah dugika kakecretan ku geutih bilih kirang pahala na sareng bilih katingali ku ibu.

4.      Namun acukmah pasihkeun kaibu supados jadi peringatan

5.      Saurkeun ka ibu kedah sabar ibu demi ngalaksanakeun parentah allah

6.      Ulah dicarioskeun kaibu cara mencit sareng cara nalian panangan abdi

7.      Kade ulah aya murang kalih anu leubeut ka bumi.  bilih kasedih ibu timbul deui

8.      Upami aya murangkalih ulah teras ditingali supaya mama hanteu hanjakal sareng hente sedih

9.      Bedog Anu diango mencitna sing seukeut supaya enggal ngaliwatkeun  kana beuheung abdi sarta supaya gampil margi ari maot teh kalintang nyerina.

Singkat carita  eta bedog digereslkeun kana beheung nabi ismail tapi kerasaning gusti nu maha suci eta badog hente terak.  sangkian nabi Ibrahim eta bedog teh mintul teras ku mantenna dicobi dikadekeun kana batu.  eta batu belah saking eta bedog teh seukeut kacida.

Kalayan kakawasaan Allah,  eta bedog nyarios : “ saur anjeun Ibrahim abdi kedah tiasa mencit ismail , tapi Allah miwarang abdi ulah terak , piraku abdi kedah nurut kaanjeun bari maksiat ka allah” akhirna anu dipeuncit teh geuning sanes nabi ismail, tapi Allah ngagentosna  ku domba, nyaeta domba anu diangkat  ti surga anu pernah dikurbankuen ku habil putrana kanjeung nabi adam As, anu kurban na ditampi ku Allah, eta domba disimpen disurga teras dihirupkeun deui ku Allah . Menurut sapalih katerangan Eta domba teh kalintang ageung pisan,

Hikmahna pikeun urang sadaya papatah ti gusti anu maha suci rehna urang kedah berani berkorban demi kepentingan agama sampai titik darah yang terkahir sareng sing yakin satiap anu dikorbankeun kuurang moal matak nyilakakeun kaurang malah bakal digentos ku allah kalawan kasaean, dibales kalawan pahala anu kalintang ageung na, moal matak rugi, upami teu karaos didunya insya Allah bakal karaos engke di alam baqa

Allahu Akbar . Allahu Akbar. Allahu Akbar  Walillahil hamdu

Kalawan meuncit hayawan kurban allah ngadidik kaurang supaya aya kapedulian ka jalmi anu butuh kapakir miskin atanapi ka kaum du’afa

Bangsa jeung Negara moal kuat,moal beres upami eta Negara hente dibantos ku kaum du’afa,para pamimpin gajihna ageung, etateh diantawisna jasa para dua’fa

Para pengusaha gaduh bati teriliunan, etateh jasa para dua’fa rela di dameulkeun  sanaos gajih na alit, jalma jalma kabeungharan nana bertambah hartana terpelihara margi dijaga dibantos ku kaum dua’fa numawi pantes kanjeung rasul ngadawuh anu unggel na:

انما تنصر هذه الامة بضعفاعهم

Pastina ieu umat kengeng pertulungan disebabkeun jasa para dua’fa sareng jasa kaum anu lemah

Kang jeng rosul oge ngadawuh :

ليس بمسلم من بات سبعا وجاره جائع

Hente sampurna jadi muslim upami maneh na sare bari wareg sedengkeun tatanggana nuju aya dina kalaparan.

Mudah mudahan urang sadayana tiasa ngemban amanat ti Allah swt,  aya dina ridha na Allah, sarta salamina di wuwuhan rahmat ku allah dijaga dijaring salamet tina balahi dunya nyakitu deui balahi aklhirat.

تقبل الله منا ومنكم احياكم الله كل عام وانتم بخير

بارك الله لي ولكم

Tweet